Día 7: día da titoría

 Boas!

Levamos unha semana cunha chea de traballos... Aínda así, continuamos motivadas co obxectivo de cumprir neste proxecto coas nosas expectativas. 

Onte, día 28 de abril, tivemos a titoría co docente. Estivemos arredor de 20 minutos falando con el e preguntándolle todas as nosas dúbidas (que non eran poucas 😣), ás cales nos respondeu con claridade e precisión.  

A continuación deixámosvos as dúbidas que nos xurdiran:

1. Como debemos especificar os obxectivos?
2. Como hai que facer o apartado de "Tipos de materiales didácticos digitales"?
3. Hai que facer un apartado de criterio da avaliación na guía? 
4. A que se refire o grao de coherencia entre os recursos e a guía que aparece na rúbrica de avaliación?
5. Debemos poñer os enlaces dos xogos e do blog na guía?
6. As citas das imaxes/vídeos/audios que empregamos nos recursos deben aparecer na guía? Por apartados?
7. A redacción da guía debe ser esquemática ou elaborada?
8. Como e que debemos expoñer?

Ao finalizala, e sen perder nin un minuto, fixemos unha videochamada para organizar todo o traballo que temos que facer e así poñernos mans á obra!

Cada vez queda menos para o día da presentación, polo que non podemos perder o tempo.

Seguirémosvos informando!😊